Martes 23 de Agosto ás 22:30h. no  Eirado do Costal

Documental (2010)

Premio "Mestre Mateo" á mellor película documental - 2010

Director: Xes Chapela

Productora: Matriusca Procuccións

O director moañés Xes Chapela presentanos un filme no que o jazz e Cangas son os protagonistas. Os inicios do jazz en Cangas e o presente únense nesta historia que se rodou no Canjazz 2009 e como non podería ser doutro xeito inicia a programación do Canjazz 2011. 

SINOPSE JAZZ EN LIBERDADE

“Unha pequena vila mariñeira convírtese trinta anos despois no epicentro da música jazz na Península Ibérica. Os protagonistas lembran con nostalxia e ilusión aqueles anos e reconstrúen as experiencias a través da investigación de dous mozos músicos locais que por entón nin sequera naceran. Un documental musical que rememora a ritmo de jazz os días nos que Cangas do Morrazo era o lugar de encontro dos mellores músicos de jazz de España e doutros países. A ollada retrospectiva dunha época convulsa, os primeiros anos de democracia, a través duns personaxes que reviven situacións que o paso do tempo non acadou borrar. Trinta anos despois daquelas xuntanzas os músicos e amigos voltanse ver as caras. Será a primeira vez dende aqueles días, que mudaron para sempre as súas vidas, deixando na súa memoria unha fonda pegada que arrecende a bos recordos e bos amigos. Mais o tempo transforma e modula as lembranzas e agora o encontro dos vellos amigos que seguiron camiños diferentes, supón unha revisión das experiencias acumuladas. 20 músicos de jazz xúntanse para facer do encontro unha gran jam session. A amizade, o encontro interxeracional e o jazz perante a paisaxe que brindan os recunchos desta vila do Morrazo. As persoas, os sons, os espazos foron mudando baixo o constante ritmo das ondas nas costas de Cangas, coma se unha infinita jam session acompañase a vidas de todos os seus veciños.”

Mércores 24 de Agosto ás 22:30h no Eirado do Costal

Rita María (voz)

Andreu Juanola (vibráfono)

Felipe Villar (guitarra)

Ryoichi Zacota (contrabaixo)

Chus Pazos (batería)

A cantora de jazz lisboeta Rita María é unha das voces emerxentes do jazz vocal en Portugal. Para esta ocasión presentanos unha banda única para este concerto, nela reune a músicos de todo o mundo coma o vibrafonista catalán Andreu Juanola, o guitarrista galego Felipe Villar, o contrabaixista japonés residente en Nova Iorque  Ryoichi Zacota e o batería galego Chus Pazos.

  Rita María é unha cantante portuguesa (Lisboa, 1984), que escomezou a estudar música á idade de nove anos e que dende os quince escomezou a cantar jazz. Estudou no  Conservatorio Nacional de Música de Lisboa, ESMAE (Escola Superior de Música e Artes do Espectáculo) en Porto e na Berklee College of Music en Boston, USA.

Gran parte da sua vida pasouna entre  Portugal e EE.UU, en ambos paises tivo a oportunidade de estudar con mestres coma  Zé Eduardo, Carlos Azevedo, Pedro Guedes, Michael Lauren, Ed Tomassi, Hal Crook, Joey Blake, Dave Santoro, Carolyn Leonard-Escoffrey ou Mitch Haupersm entre outros.

Rita María  movese entre a morriña do  Fado  e a improvisación do jazz. Ten compartido esceario con jazzeros coma Nuno Ferreira, Nelson Cascais, André Fernandes, Paula Sousa, Afonso Pais, João Paulo Esteves da Silva, Mário Franco, Damien Cabaud, Elias Meister, George Mel, Ziv Ravitz, Daniel Ori, Gordon Au, Anna Hoffman, Noriaki Mori, Cayo Iturralde, Matias Alvear, Carlos Albán ou Donald Regnier. Recentemente, o guitarrista Elias Meister convidouna a formar parte do seu último traballo discorgáfico Elias Meister´s Quartet. Na actualidade, Rita é mestra  convidada do Instituto de Música Contemporánea (IMC) na Universidade San Francisco de Quito, Peru.

www.ritamaria.net