O Festival Internacional de Jazz de Cangas presentouse nesta duodécima edición cunha proposta que achegou a Cangas a una das lendas vivas deste estilo musical coma é o baterista Bill Goodwin, cun concerto único que agrupou a dous dos artistas máis destacados dos Estados Unidos , Adam Niewood(saxo tenor) e Bill Goodwin (batería), cos dous músicos galegos máis internacionais Abe Rábade (rhodes) e Paco Charlín (batería).
A DixieNaza Jazz Band trouxo o mellor de música de Nova Orleáns dende Portugal. E o espectáculo 30 anos de jazz en Cangas (1979-2009), conmemorou o trinta aniversario do primeiro festival de jazz, unindo a músicos que participaron nestes primeiros festivais cos músicos galegos máis destacados.
O canjazz workshop permitíu a tódolos músicos que pasaron polo auditorio municipal, disfrutar do mellor jazz da man de Bill Goodwin e Adam Niewood.
As jam session do plantacións e a academia, máis a grabación do documental “Jazz en Liberdade” de Xes Chapela e Matriuska Producións, puxeron o grao de area necesario para ter un dos mellores festivais da Galiza.
Mércores 19 de Agosto ás 22:30h no EIRADO DO COSTAL
Xoves 20 de Agosto ás 22:30h no EIRADO DO COSTAL
Venres 21 de Agosto ás 22:30h no AUDITORIO MUNICIPAL 
Adam foi estudiante en Berklee College of music e William Paterson University; onde se graduou en Interpretación Musical. Desde 2000 a 2003 Adam foi profesor de Saxofón, Historia de Jazz e Conxunto Instrumental en Montclair State University. En 2001 Adam foi escollido como un dos 18 alumnos para cursar o programa de Jazz da Juilliard School of Music. Adam deixou o posto en Montclair University en Setembro de 2003, despois de conseguir unha bolsa do 100% para cursar estudios en Manhattan School of music. Obtivo o seu Máster en Interpretación de Jazz en Maio de 2005. Adam coñeceu ao baterista Bill Goodwin na conferencia da IAJE (Asociación Internacional de Educadores de Jazz) en New York. Bill tiña traballado moitas veces con seu pai Gerry, e comezou a chamar a Adam de contado para concertos.